謝霆鋒啟德騷門票秒殺

謝霆鋒啟德騷門票秒殺點算？本尊私人醒你20張飛
型男謝霆鋒本月底假啟德舉行的《Evolution Nic Live 謝霆鋒進化演唱會》反應熱烈，全民集氣成功盼來加場，不過終極一場公開發售2小時，已被秒殺一票不留，可見「謝霆鋒效應」依然強勁，而撲空的網民哀嚎：「有生之年系列，錯過等25年。」

其他熱爆話題：

不過「機會嚟喇飛雲」！霆鋒本尊今日（2日）在社交網突派驚喜，表示私人醒大家20張飛：「最近都仲有好多人DM我/Tag我話買唔到飛，好想睇我演唱會，不如咁啦！多嘅我真係冇辦法，我私人送20張演唱會飛畀大家，但係我未諗到點樣送畀大家，等我諗吓先。」Fans洗版留言問霆鋒點攞飛，引起哄動！