陳慧嫻（Priscilla）今日（27日）推出新歌《給親愛的親愛》，歌曲由Larry Wong作曲及編曲、林若寧填詞，舒文監製。歌曲靈感及主題均來自慧嫻，「呢首係我加盟新公司英皇娛樂嘅第一首歌，再加上我好耐都冇出新歌，所以想藉住呢一首歌同親愛嘅觀眾、親愛嘅粉絲講聲Hello。簡單嘅一句『親愛的你好嗎』嘅問候，承載住我對你哋嘅思念同埋祝福，希望你哋能夠感受到呢一份真摯情感，無論大家身處邊一度，都有我嘅音樂陪伴住你哋。」 慧嫻表示，選擇這個題材，是因為近年經歷很多聚散離別，無論是移民、工作、家庭又或是成長的原因，曾經關係緊密的好友變得疏離，「其實好多時候，都會耐唔耐諗起大家，但硬係抽唔到時間去見面，我希望可以喺呢一首歌裏面，表達到呢種思念同埋祝福。」歌詞中的「親愛」可以指家人、好友或愛人，「每當諗起佢哋嘅笑容、陪伴、支持，我心裏面都會充滿着一種好感激同埋好懷念，希望透過呢一首歌，能夠令到觀眾諗起生命中重要嘅人！無論佢哋身處何方，呢一段情感都可以超越距離，永遠相連。」而最觸動她的歌詞「人生如風似煙 領悟人生後 初見面」，慧嫻解說：「我哋都後生過，嗰時可能會比較自我中心、驕傲、自私少少，唔識得易地而處，但當經歷多咗、大個咗，我哋睇返轉頭，就會覺得後生時原來咁幼稚！大家再見返嘅時候，都發覺大家都變好咗；同埋我覺得呢一句歌詞，亦都令到人感受到人生變幻無常，當我哋真正理解人生本質之後，或者我哋能夠更加珍惜，去看待生命中每一次嘅相遇同離別。」 問到錄音趣事，慧嫻笑言舒文為人十分正經，跟他一起沒甚麼趣事，但對他錄音室的廁所十分感興趣，更謂好好玩，「佢個洗手間入面有一塊叫做『Yes No』嘅決策板，每一次去洗手間，我都會忍唔住攞嚟玩吓！好多時錄到咁上下去廁所，我迷信吖嘛，我就會問吓塊板，究竟我頭先嗰個take得唔得？如果最後粒珠仔走落去Yes嗰度，我就覺得一定得！出到去就算舒文叫我再錄，我都唔會再錄㗎，哈哈！但係如果粒珠去到No，就算舒文覺得OK，我都會話『俾多次機會我啦……』我會喺度磨爛蓆，哈哈！如果粒珠去到中間，咁冇得揀，出到去等舒文決定，使唔使再嚟過！」 此外，慧嫻更透露正積極籌備明年演唱會，「我正在全力籌備我四十周年紅館演唱會！期待同大家可以一齊再分享我嘅音樂，好似我新歌裏面有一句歌詞『努力排練 若然一日能遇見』，我哋好快會見㗎啦！哈哈！」

Continue Reading

歌手陳慧嫻暌違9年再踏紅館，宣布明年1月底舉行舉行4場40週年《The Fabulous 40 Priscilla LIVE IN HONG KONG 陳慧嫻演唱會》，今日在灣仔舉行記者會。慧嫻透露演唱會已籌備一年，距離開騷愈近心情愈緊張，記者會後便會閉關努力減肥，笑言：「希望瘦20磅，做運動和食營養餐，盡量啦！都知無可能。 今次演唱會以“花”為主題，用花代表每個人生旅程，花由萌芽、錠放，就好似人生，慧嫻指現階段是“玫瑰花”，演唱會的海報造型就好像一朵紅玫瑰，「用紅色一來演唱會近農曆新年好意頭，同埋好似從來無用過紅色，覺得好Modern 。一次嗆花期出現，每一個人嗆人生都好似花期一樣，總會有高有低，但我非常幸運。 至於嘉賓方面尚未開始邀請，以前演唱會請過譚詠麟、蔡一傑做嘉賓，今次想有新鮮感所以不會邀請。她笑言希望請「小鮮肉」自肥，鉺意「小鮮肉」魏浚笙靚仔，「小妹妹」AGA好有才華。問到會否請近期常跳《跳舞街》的日本跳舞組合Avantgardey？慧嫻表示會請類似的組合，也想跟Twins一起跳《跳舞街》，另外慧嫻以前與黎芷珊和陳樂敏組三人女子音樂組合“少女雜誌”，她透露芷珊應該會捧場，但陳樂敏已移民，若要她上台演出，擔心會心臟病爆發。

Continue Reading

東亞銀行信用卡獨家優先訂票於12月2日開始。 恭喜鄧麗欣（Stephy）宣布明年3月14及15日，在紅館舉行一連兩場演唱會「STEP by STEPHY 鄧麗欣紅館演唱會2025」，這是她出道22年，首次踏上紅館舞台舉行個人演唱會，這一步走來不易，她開心地說：「演唱會名字寓意我入行到依家咁多年，一步一步行到上嚟呢一步，終於達成喺歌唱事業上嘅心願！」演唱會門票港幣$1180、$680 和$480，東亞銀行信用卡獨家優先訂票於12月2日早上十時起，HotdogTIX網站或手機應用程式訂票。 早前Stephy拍攝演唱會海報，以黑色高貴晚裝長裙配長過腰的秀髮，隨風飄逸，簡潔有型，「今次拍攝主題係『簡單』，我哋想帶出嘅訊息，唔係靠外在配搭或服飾去講故事。以紅色背景與黑色長裙嘅對比，乾淨俐落。希望以簡單、俐落去呈現最真實、最舒服嘅我！」 Stephy笑說：「呈現嘅感覺好舒服，但我一啲都唔舒服，睇落好似『無乜嘢』嘅動作，其實我已經book定脊醫，聽日睇醫生。因為條裙中間有少少皺褶，為咗呈現利落嘅形態，擺甫士都好花力氣，好彩我不時有拉筋和練瑜伽，先至可以應付到。」 鏡頭前瀟灑，鏡頭後Stephy被幾把風扇從不同方向吹著秀髮，她笑說：「其實都辛苦大家要企高和趴地，唔同角度幫我吹風。我係今日嚟到先知道條裙咁窄，所以大家開餐我都唔敢食嘢，只係食咗兩粒蕃茄仔。」 Stephy表示當她知道將於紅館開騷，反應不來，「猶豫咗好耐『係咪真㗎？』，然後幻想企喺紅館唱歌嘅情況，其實過咗好耐先至識得去興奮、開心、緊張，心情好複雜，係我歌唱生涯之中，最大成就解鎖。紅館有一種魔力，係好多歌手嘅最終夢想，對我嚟講亦好大意義。最大關鍵係點樣將我咁多年以來嘅故事、經歷同大家分享，能夠令大家好鍾意呢個騷就係另一個成就解鎖！」 問到哪首歌非唱不可？Stephy笑說：「一定要唱嘅歌就實在太多啦，尤其是經典歌實走唔甩。其中有首歌，如果唔唱一定唔放過我，就係『跑Online』（《Fantasy Tale》主題曲）。」她表示每次表演都有人點唱，「呢首歌俾大家好多回憶，或者好多唔同嘅意義，係一首好開心嘅歌。」 至於跳舞部份，Stephy由女團出道，跳唱是她成長嘅紀錄，她笑說：「我都有少少『身癢癢』都想跳吓舞，不過平時喺屋企郁吓，好耐無試過喺咁多人面前跳舞，有啲緊張和期待。」她還透露正在構思其他驚喜表演，目前先賣關子。 演唱會詳情：STEP by STEPHY 鄧麗欣紅館演唱會2025日期：2025年3月14至15日時間：8:15PM地點：紅磡香港體育館票價：HK$ 1,180…

Continue Reading