MIRROR小組歌丨姜濤、Anson Lo、Edan、Jeremy粉絲疑不滿排位次序 花姐IG罕有救火

男團MIRROR早前宣布將以3個小組推出歌曲，每個月會以推出不一樣的團隊作品，打頭陣的就有盧瀚霆Anson Lo、呂爵安Edan、李駿傑Jeremy及姜濤合唱的高糖份甜蜜情歌〈Strawberry Love〉，不過新歌一出後隨即引發部分粉絲疑似不滿MIRROR四子的排位次序，MV更一度只連結至Anson Lo的頻道，疑似惹來「大細超」之嫌，經理人團隊之一的花姐更於IG罕有救火解畫！

MIRROR由9月起將會每月推出一首小組歌，其中由盧瀚霆Anson Lo、呂爵安Edan、李駿傑Jeremy及姜濤打頭陣率先登場，推出可愛系情歌〈Strawberry Love〉，展現完全不一樣的可愛風格。今次以四人小組出歌，除了可以讓大家有機會聽到、看到Anson Lo、Jeremy、Edan及姜濤的可愛一面外，其實更大原因是想藉著小組，讓各人可以展現自己的長處。

在公布這次組合之時，四人曾被命名為妹豬組，Edan搞笑道：「我有個妹，Jeremy係巨豬，所以係妹豬組。」Jeremy則認真地回想起這個組合的由來，他說：「呢個名係因為開live時有fans問呢個組合會做啲咩？會唔會跳妹豬舞，跟住發現我哋真係有cute少少嘅動作，所以嗰陣有同大家講話我哋會有妹豬舞。呢個組名好直接話俾大家聽，我哋啲舞步都幾妹豬，MIRROR都好少做有啲肉麻嘅嘢，但都Ok嘅。其實好多年前嘅合作，我哋有諗過用我哋英文名第一個字，起咗個小組名字叫JAKE。」