Your cart is currently empty!
Category: 阿正 《正DIVA》演唱會
Ticketbuynow 黃正宜TALK SHOW 2024｜903DJ阿正11月旺角開Talk騷 預告將請扑寶劍與雷神作嘉賓? 票價/場地/售票連結/開售日期一覽 |
【正DIVA】Show精彩時刻！
【正DIVA】Show精彩時刻！阿正talk笑爆全場 一連三晚嘅《正DIVA》圓滿結束！正DIVA喺台上勁歌熱舞，唱出《DiDiDiva》、改編版《FLOWER》等歌，魅力四射，jeng到爆呀😍！除咗歌舞，又點少得爆笑talk呢，正DIVA喺台上大爆自己戀愛史，仲化身《痴女正傳》入面嘅大小姐，同觀眾嚟一個「親密接觸」🫦，令現場笑聲不絕！正媽更驚喜出場，同阿正大跳廣場舞💃！嚟到尾聲，阿正放低以往搞笑嘅形象，向觀眾剖白內心，令人動容💖。阿正個人處女show，喺一片笑聲同感動中圓滿結束！ Read more
阿正11月個人騷《正DIVA》宣布加開終極一場
商台DJ黃正宜(阿正)將於11月假麥花臣場館舉行首個個人騷《正DIVA》，11月1日及2日兩場演出門票今天(21日)公開發售後迅即售罄，主辦單位宣布加開11月3日終極一場，門票明天下午3時公開發售。阿正興奮表示︰「我首先要謝謝『痴飯』（粉絲暱稱）對我的支持，不介意你們像看Taylor Swift，撲不到飛就在場館外面等我喔！其實我也想再開多幾場，不過還是專心做好這次這3場先！」阿正已密鑼緊鼓籌備演出，她透露將於開騷前閉關一個月，屆時要向入場聽眾呈現最耀眼奪目的DIVA光芒。 除了加場喜訊，阿正也宣布將以處女個人單曲《DiDiDiva》作為3場《正DIVA》的主題曲。首次挑戰跳唱的她邀得何秉舜(何丙)作曲及林若寧填詞。她被問到是否會在《正DIVA》現場以特別舞蹈演繹這首全新唱跳快歌時說：「我也想讓大家看看，我怎麼像新歌的歌詞一樣『馴服世界上每一族群』 。最近努力練習著唱歌跳舞，也希望開騷的時候可以跟『痴飯』玩回個Dance challenge切磋舞技，就像一群朋友聚在一起玩的感覺。」 Read more
阿正《正DIVA》TalkShow11月麥花臣開兩場 預告可能有性感演出
由商台製作主辦、DIVA正職 叱咤903、Bupa香港 呈獻 阿正《正DIVA》,將於11月1至2日駕臨麥花臣場館,由 903 DJ 黃正宜(阿正)首度擔大旗,化身華麗矚目DIVA,上演兩場驚喜不絕的 TalkShow,誓要吸引全場觀眾目光,成為最耀眼的焦點。 DIVA源自意大利文,指不同界別中的優秀女性代表,阿正相信「每個人都可以成為一次焦點!」,故承諾在首個個人騷《正DIVA》施展渾身解數,為觀眾帶來目不暇給的驚喜表演:「我想將幻想過嘅嘢做晒出嚟,好似棟篤笑、唱歌跳舞、小劇場,仲有同觀眾互動嘅環節,最好加埋煙火爆破、水花四濺嘅舞台效果,又想試下飛鋼索入場,或者玩空中飛人,仲會邀請我嘅好朋友朴寶劍同埋 Chris Hemsworth,希望佢哋到時得閒擔任嘉賓啦!」 阿正日前深夜更率先化身成 DIVA,戴上閃耀奪目的后冠,身穿華麗的牛仔布宮廷長裙,在鋪上似魚檔地板的紅地毯的凌晨鬧巿街道上,為《正DIVA》拍攝宣傳照。阿正親解今次宣傳照的破格造型:「想做到君臨天下,但又出身平民嘅感覺,希望 Grand 得嚟又貼地,就好似今次《正DIVA》呢個 Show。」阿正又指服裝設計師特別選用牛仔布縫製長裙,原來蘊含她早期在商台工作的回憶:「一開始做《早霸王》時,我日日都著住同一件牛仔褸,又成日掛住員工證,畀森美大哥笑我似 Madam,所以牛仔褸就變成咗我嘅 Signature(個人特色)。而今次裙擺更用上100碼布,大概相等於100米,如果保特喺上面跑,都要用9秒幾先跑完。」被問及會否將這個 DIVA造型搬上麥花臣舞台,阿正則保持神秘:「我都好希望大家親眼睇到我點 carry 呢個破格造型,但會唔會改裝,或者改成低胸裝就未知啦!」 公開售票將於 8 月 21 日(星期三)上午 10 時開始,於 Cityline 正式發售。詳情敬請密切留意叱咤 903 電台宣傳廣播、 商業電台網站 www.881903.com、my903.com、「my903.com 商業 Read more