Author: may may

出道40週年的陳慧嫻，將於明年1月底舉行4場《The Fabulous 40 Priscilla LIVE IN HONG KONG 陳慧嫻演唱會》，第六度踏上紅館舞台！Trip.com會於11月22日早上10時優先發售門票，想知演唱會日期、門票價錢等資訊，即看下文！ 陳慧嫻40週年紅館演唱會！優先購票：門票$980 / $680 / $480為慶祝入行40週年，陳慧嫻相隔9年再度踏上紅館，將於2025年1月21、22、24、25日，舉行4場《The Fabulous 40 Priscilla LIVE IN HONG KONG 陳慧嫻演唱會》。是次演唱會選用四面台設計，以「花」做主題，代表陳慧嫻的人生和歌唱事業旅程，由萌芽、盛放，到收埋，再盛放；而演唱會上的服飾也會有「花」的感覺，共有7套造型，會演出《千千闕歌》、《傻女》等多首經典金曲。粉絲們想預先搶票就要留意！Trip.com將會於11月22日早上10時優先發售門票，門票分為$980、$680、$480，粉絲們不要錯過！ The Fabulous 40 Priscilla LIVE IN HONG KONG 陳慧嫻演唱會 日期：2025年1月21、22、24、25日 時間：8:15pm 地點：紅磡香港體育館 票價：$980 / $680 / $480 (每票須收取HK$9手續費） 發售日期：11月22日 10am Read more

2011年，王菀之（Ivana）首度進軍紅館，舉行一連兩場《水百合演唱會》，達成生涯其中一個重要里程碑。不經不覺，這個音樂會也迎來10周年，Ivana日前在社交平台與樂迷重溫當時的精彩片段，也直言在演唱會過後不願選擇放慢腳步，反而希望繼續向高難度挑戰：「自這個演出以後，我沒有選擇比較易行的路，畢竟那條路，需要太多妥協…長途跋涉，在下決心那天開始已是意料中事。 而其實，我並沒有目的地。」 Ivana續指，往後十年自己藉著信仰、耐力和體力繼續奮鬥，期間也不忘給自己的腦袋和心智留白：「説是白，其實也是一個黑洞，隨時接收迷失和驚恐、憂傷和眼淚。 朋友說，這樣對精神健康不好，要擁抱阿Joy，同時也要接受阿愁呀(from “Inside Out”)！謝謝，放心，我並沒有把阿愁藏起來，只是她太珍貴，剛好保存在大家看不到的地方而已。」 Ivana直言來到十年後的今天，自己也無法一口氣開足10場，但這段期間不但出現《沉默的士高》、《突然一生人》、《波點女皇》、《碧玉》、《The Pink Room》等作品，而且學習了很多演繹、演戲、演唱的技巧，加上自己在音樂、影像、詩詞、藝術創作的修練，她希望以成為一位稱職的藝術家努力：「現在對我來説，單單一個音符 ，比起從前結構較複雜的旋律作品，有更多層面的解讀，更深了意義。」她希望繼續學習把藝術呈現與音樂結合，期待能繼續在往後的展覽和演出繼續與歌迷分享。 Read more

王菀之將於2025年2月22日及23日在香港紅館舉行名為《合體 – 王菀之演唱會2025》的演唱會。這場演唱會標誌著她自上次演出後隔了11年再次登台，並且是她入行20年的紀念演出。優先訂購將於11月20日開始，而公開售票則定於12月2日開始。演唱會深層意義Ivana解釋說，「合體」不僅代表她與樂迷的合體，也象徵著她與自己內在小孩的合體，以及與周遭人們和整個世界的合體。「諗呢個名個陣，我會諗到好多合體，機械人合體啦，自我世界的合體，一個人奮鬥路上，第一件事就係要同自己嘅內在小孩合體，再同身邊嘅人合體，再同世界合體，由小的力量變大力量！ 合體，一個交流，一個同理心都係合體，二十年來創作路上，我少不了歌迷的支持，我可以開一個演唱會唱嘅歌全部由自己作曲，好幸福，全因有大家嘅支持。 舞台上表演者沒有觀眾，也形成不到一個成功演出，所以今次邀請大家入場，再一次嚟同我合體，成就呢個二十年的紀念日。」演唱會視覺呈現演唱會的海報選擇了香港某個角落作為背景，展示了一個笑容滿面的Ivana。「靈感係嚟自佢地覺得我最近愛上攝影，重要係鐘意左影黑白相，一個好簡單直接冇花巧嘅我。二十年來我都試過好多唔同造形，唔同角色呈現係觀眾面前，有唱歌嘅我，電影嘅我，舞台劇嘅我，或者卡通配音嘅我，全部合體其實就係一個簡簡單單，同大家一樣生活喺同一個城市入面嘅王菀之，同各dreamer 一齊努力奮鬥。依家咁多朋友仔鐘意打卡，我哋諗緊係咪玩個合體遊戲，你搵到我喺邊度影呢張海報，影番同一個位，IG上面tag返我，我或者送份禮物俾你。哈哈。」 演唱會突破與挑戰 Ivana透露，這次演唱會將會有許多突破。「通常演唱會都會準備最少6-8套衫，由於我好想專注送好多歌同大家分享，咁珍貴兩個幾鐘，終於可以紅館見面，我唔想有一刻唔係同大家一齊，所以今次想突破唔換衫！如果喺演唱會之前，俾大家見晒啲衫，好唔好？入場之後就『合體』！ 不如等歌迷揀啦，寧願我唱多幾首歌定係想我去換衫？哈哈。」她還提到，團隊間對於歌曲選擇的爭論也是一大挑戰，「原來我不經不覺創作左二百幾首歌。而好多歌都唔想放棄，好想唱。所以開左十次會都未揀到歌，依家一共50幾首係大家都唔想放棄，音樂總監就反問，咁係咪呢個不可抗力之下， 我地要提早喺六點就要開場，哈哈。」 Read more

鄧麗欣（Stephy）今日（15日）宣布明年3月14及15日，在紅館舉行一連兩場「STEP by STEPHY 鄧麗欣紅館演唱會2025」，這是她出道22年，首次踏上紅館舞台舉行個人演唱會。 這一路走來不易，Stephy開心地說：「演唱會名字寓意我入行到而家咁多年，一步一步行到上嚟呢一步，終於達成喺歌唱事業上嘅心願！」Stephy表示當她知道將於紅館開騷反應不來：「猶豫咗好耐『係咪真㗎』，然後幻想企喺紅館唱歌嘅情況，其實過咗好耐先至識得去興奮、開心、緊張，心情好複雜，係我歌唱生涯之中，最大成就解鎖。紅館有一種魔力，係好多歌手嘅最終夢想，對我嚟講亦好大意義。最大關鍵係點樣將我咁多年以來嘅故事、經歷同大家分享，能夠令大家好鍾意呢個騷就係另一個成就解鎖！」 早前Stephy拍攝演唱會海報，以黑色高貴晚裝長裙配過腰秀髮，隨風飄逸，簡潔有型。「今次拍攝主題係『簡單』，我哋想帶出嘅訊息，唔係靠外在配搭或服飾去講故事。以紅色背景與黑色長裙嘅對比，乾淨利落。希望以簡單、利落去呈現最真實、最舒服嘅我！」她又笑說：「呈現嘅感覺好舒服，但我一啲都唔舒服，睇落好似『無乜嘢』嘅動作，其實我已經book定脊醫，聽日睇醫生。因為條裙中間有少少多皺褶，需花好多氣力擺甫士。」 哪首歌非唱不可？Stephy笑說：「一定要唱嘅歌就實在太多啦，尤其是經典歌實走唔甩。其中有首歌，如果唔唱一定唔放過我，就係《Fantasy Tale》。」她表示每次表演都有人點唱：「呢首歌畀大家好多回憶，或者好多唔同嘅意義，係一首好開心嘅歌。」至於跳舞部分，Stephy由女團出道，跳唱是她成長嘅紀錄，她笑說：「好耐無試過喺咁多人面前跳舞，有啲緊張和期待。」她還透露正在構思其他驚喜表演，目前先賣關子。 Read more