休病假體會健康重要 張天賦望有更多新嘗試

休病假體會健康重要 張天賦望有更多新嘗試

張天賦（MC）原定上周在澳門舉行的最後一場演唱會，因不慎感染流感，最終要暫停演出被迫延期。MC回港看醫生及休息數天後，依然是留在家中靜養，他笑言終於有假期，不過是最不喜歡的「病假」。MC出道以來，忙於工作，經常沒有假期，最近他化身信用卡紅日假期主持，向大家預報2025年的全部紅日假期，教大家假期消費如何精明賺着數。第一次做假期主持，MC坦言都幾好玩：「其實我好喜歡同聲音有關的工作，無論唱歌啦， 做DJ、主持、報道員，都鍾意做，用唔同語氣表達講述一件事，係幾好玩；但係做紅日預報主持，自己就冇假期，現在我仲係拚搏期，所以冇所謂，不過最大願望係唔需要再放病假。」

今次抱恙，令MC更有所警惕，他說：「真係要學識好好照顧自己的身體，希望歌迷朋友都係，以後每一次可以放假，我都希望自己係可以健健康康、開開心心去玩嗰種放假，我仲有好多地方未有時間和機會去玩，好希望可以去滑雪。但當務之急係快啲好返，然後返場澳門再見大家。」

回顧2024一年，MC不單憑藉兩齣電影登上大銀幕，在樂壇亦保持一貫水準，先後在多個串流平台奪佳績，在各大搜尋引擎的年度十大排行榜，也能找到MC的身影。對這些成績，他直言：「結果永遠對我來說係後話，音樂上我只有一個目的，就係樂迷聽得開心，自己又做到自己想做的事，我已經好滿足。2024年我音樂上產量唔算高，因為做咗好多其他新嘗試，包括化身紅日假期先生，又拍咗兩部電影，同丹哥（甄子丹）合作最難忘，第一次接觸動作電影，真係學咗好多嘢同好開心，我覺得係自己星途上面的一個大突破，未來我希望可以有更多新嘗試。」