香港式離婚｜黃子華劉嘉玲破天荒首度合作舞台劇：係神一手促成

黃子華和劉嘉玲今日（20/8）現身中環出席舞台劇《香港式離婚》記者招待會。對於二人破天荒首度合作，在舞台劇大鬥戲法，道盡婚姻的脆弱與愛情的弔詭故事。子華接受《香港01》訪問時不忘發揮幽默本領：「其實今次能夠搵到嘉玲，都係神一手促成。而呢個舞台劇本身我哋一路都係想搵返舞台劇嘅演員去做，喺我哋落實咗連嗰餐飯嘅最後一啖茶都要飲埋之際，突然之間我聽到一把聲講嘉玲，之前我係完全冇諗過係佢。講返轉頭，如果我飲嗰杯茶嘅時候，如果嗰啖茶有隻螞蟻，搞到我失咗神呢，我諗嘉玲一定唔喺呢度。」

旁邊嘉玲被引到捧腹大笑：「其實當時佢哋搵我演呢個舞台劇，我係考慮咗好耐。因為我好怕拖累到人哋，而我做事係有要求嘅人嚟，考慮到有一個咁好嘅組合，而黃子華亦係我心目中一位好好嘅演員。如果我去做拖累咗成套劇，咁就唔係幾好。同埋係體能上，精神上都有好大嘅挑戰。」